მჟავიანობის რეგულატორი – pH Plus
Plagron pH Plus არის თხევადი pH მჟავიანობის რეგულატორი, რომელიც საკვები ხსნარის მჟავიანობის დონის ასაწევად გამოიყენება. იდეალური pH მაჩვენებელი (5.5 – 6.5) აუცილებელია იმისთვის, რომ მცენარე სწორად აითვისოს საკვები ელემენტები. სწორად დაბალანსებული pH სტიმულაციას აძლევს მცენარის მეტაბოლიზმს, რაც საბოლოოდ სწრაფ ზრდასა და მცენარეების ძლიერ ჯანმრთელობას უზრუნველყოფს.
- ზრდის pH დონეს საკვები ხსნარში
- უზრუნველყოფს საკვები ნივთიერებების უკეთეს ათვისებას
- აჩქარებს მცენარის ზრდას
- აძლიერებს მცენარის იმუნიტეტს
- იდეალურია ჰიდროფონიკისთვის
Plagron pH Plus არის ძლიერი ტუტე სითხე, რომელიც დაგეხმარებათ აკონტროლოთ საკვები ხსნარის მჟავიანობა (pH) მცენარისთვის იდეალურ დონეზე. pH რეგულაცია პირდაპირ გავლენას ახდენს მცენარის კვებაზე, ზრდაზე და საერთო ჯანმრთელობაზე.
pH Plus VS ბუნებრივი მეთოდები
| კრიტერიუმი | pH Plus | ბუნებრივი მეთოდი |
|---|---|---|
| სიზუსტე | მაღალი (ზუსტი კონტროლი) | დაბალი (არასტაბილური) |
| უსაფრთხოება | პროფესიონალური გამოყენება | შესაძლოა დააზიანოს ნუტრიენტები |
| ეფექტი | მყისიერი | ნელი და არასანდო |
Plagron pH Plus გამოყენება
გამოყენებამდე ბოთლი კარგად შეანჯღრიეთ. pH Plus ძლიერი კონცენტრაციის მქონე ნივთიერებაა, ამიტომ აუცილებელია მისი დამატება ეტაპობრივად. დაიწყეთ მცირე რაოდენობით – დაახლოებით 0.5 მლ დაამატეთ 1 ლიტრ წყალში და კარგად აურიეთ. ამის შემდეგ გაზომეთ ხსნარის pH მაჩვენებელი. თუ pH დონე ჯერ კიდევ დაბალია, დაამატეთ კიდევ რამდენიმე წვეთი და კვლავ გაზომეთ. პროცესი უნდა განმეორდეს მანამ, სანამ საბოლოო pH არ დადგინდება სასურველ ზღვარში — ეს არის 5.5-დან 6.5-მდე. არავითარ შემთხვევაში არ დაამატოთ დიდი რაოდენობა ერთდროულად, რადგან ზედმეტად მაღალი pH დონე მცენარისთვის საზიანო იქნება. როდესაც მიაღწევთ საჭირო pH დონეს, მიღებული ხსნარი შეგიძლიათ გამოიყენოთ მორწყვისთვის ან ჰიდროფონიკურ სისტემაში.
ნიადაგზე (მიწაში) მოყვანისთვის
ნიადაგი ბუნებრივად ახდენს pH-ის გარკვეულ დონეზე რეგულირებას, მაგრამ სასუქების მუდმივი გამოყენებისას, ხშირად, pH ირღვევა. სასურველია მორწყვამდე ყოველთვის გაზომოთ pH დონე. Plagron pH Plus დაგეხმარებათ, მიწაში არსებული საკვები ნივთიერებების უკეთ შეწოვაში, თუ pH 5.5-ზე დაბლაა. მიწის შემთხვევაში აუცილებელია pH დონის 6.0–6.5-ის ფარგლებში მიყვანა.
ქოქოსის სუბსტრატისთვის
ქოქოსი ნეიტრალური pH-ის მქონეა, მაგრამ საკვები ხსნარების მეშვეობით pH დინამიურად იცვლება. ქოქოსზე ზრდისას აუცილებელია pH-ის კონტროლი ყოველ მორწყვამდე. გამოიყენეთ pH Plus მორწყვამდე ხსნარში იმისათვის, რომ მიაღწიოთ 5.8–6.2 დიაპაზონს, რაც ქოქოსში მაქსიმალური შთანთქმისთვის იდეალურია.
ჰიდროფონიკური სისტემისთვის
ჰიდროფონიკაში მცენარეები პირდაპირ წყლიდან იღებენ საკვებს, ამიტომ pH დონე კრიტიკულად მნიშვნელოვანია. წყლის pH უნდა ინარჩუნებდეს ზუსტ დონეს — 5.5–6.0 შორის. Plagron pH Plus გამოიყენეთ ეტაპობრივად, pH მეტრით მუდმივად აკონტროლეთ მაჩვენებელი, რადგან ცვლილებები წყალში მყისიერად აისახება მცენარის მდგომარეობაზე. გამოიყენეთ მხოლოდ მაშინ, როცა pH ზღვარზე დაბლა დაეცემა.
შემადგენლობა
- კალიუმის ოქსიდი (K₂O): 25.2%
- (წყალში ხსნადი) pH: >14 (ულტრა-ტუტე)
- ფორმა: თხევადი, გამჭვირვალე, უსუნო
- გამოყენების ვადა: 4 წელი (დაუხსნელი)
- შენახვა: 0°C-დან 35°C-მდე, ბნელ ადგილას.
მიმოხილვა
მიმოხილვები ჯერ არ არის.