Plagron Green Sensation

სასუქი Green Sensation

Plagron Green Sensation არის გამაძლიერებელი პრეპარატი, რომელიც შექმნილია ყვავილობის ფაზაში მაქსიმალური შედეგის მისაღებად. მისი უნიკალური ფორმულა შეიცავს მოდიფიცირებულ ნახშირბადოვან მოლეკულას, რომელიც მცენარეს ნახშირბადს არატრადიციული გზით აწვდის. სწორედ ეს უნიკალურობა აძლიერებს ფოტოსინთეზის პროცესს და ზრდის ყვავილებზე ენერგიის მიწოდებას. შედეგად, მცენარე ქმნის უფრო მძიმე, მკვრივ და სურნელოვან ყვავილებს, უკეთ ითვისებს საკვებს და მეტად მდგრადია გარემო სტრესების მიმართ.

ეს სასუქი 4 ეფექტს 1 პროდუქტში აერთიანებს:

• მასიური ყვავილები: ნახშირბადის მოლეკულა აძლიერებს გლუკოზის წარმოებას, რაც იწვევს ყვავილების მასის მატებას.
• მკვრივი სტრუქტურა: შეიცავს კალიუმს (9%), ფოსფორს (8%) და რკინას, რომლებიც ხელს უწყობენ უჯრედული გაყოფის ინტენსივობას.
• გაძლიერებული რეზისტენტობა: კალიუმი ამყარებს ღეროებსა და ქსოვილებს, ამცირებს სტრესის რისკს.
• ნუტრიენტების უკეთესი ათვისება: ახდენს მინერალების მოქმედებას ნიადაგში, რაც ხელს უწყობს ფესვების მიერ მათ შეწოვას.

რატომ არის Green Sensation განსაკუთრებული?

Plagron Green Sensation-ის ინოვაციური ნახშირბადის მოლეკულა მიწის ფესვების გავლით მცენარეს დამატებით ენერგიას აწვდის. გაუმჯობესებული ფოტოსინთეზი მეტი გლუკოზის წარმოებას იწვევს, რაც მცენარისთვის ძირითად ენერგიის წყაროს წარმოადგენს. ამ ენერგიას იყენებს ის ყვავილებისა და ნაყოფის გასაზრდელად. სწორედ ამიტომ ხდება ყვავილები მძიმე და სავსე. Green Sensation აძლიერებს უჯრედების კედლებსაც რის გამოც მცენარე უკეთ ეგუება სტრესს, ტემპერატურის მერყეობას ან წყლის დეფიციტს.

პრეპარატი ასევე შეიცავს მნიშვნელოვან მაკროელემენტებს: ფოსფორს, კალიუმსა და რკინას.

• კალიუმი აუმჯობესებს წყლისა და საკვები ნივთიერებების ტრანსპორტირებას ფესვებიდან ყვავილებზე და ააქტიურებს ფერმენტებს, რომლებიც საჭიროა ყვავილობისთვის.
• ფოსფორი და რკინა კი აჩქარებს უჯრედების გაყოფის პროცესს, რაც აუცილებელია ყვავილის სიმკვრივისა და მისი სწორად ფორმირებისთვის. შედეგად ყვავილები უფრო ხარისხიანი, მკვრივი და გემრიელია.

Green Sensation გამოყენება

Plagron Green Sensation მარტივი გამოსაყენებელია, თუმცა აუცილებელია რეკომენდაციების დაცვა და სწორი დოზირება. სასუქი გამოიყენება ყვავილობის მეოთხე კვირიდან, ანუ როცა მცენარე უკვე აშკარად გადადის ყვავილობის ფაზაში. გამოყენებამდე კარგად შეანჯღრიეთ ბოთლი.  დაამატეთ 1 მლ Green Sensation 1 ლიტრ წყალში (1:1000). ხსნარის მომზადებისას მნიშვნელოვანია ჯერ წყალში დაამატოთ Plagron Green Sensation, კარგად აურიოთ და მხოლოდ ამის შემდეგ დაუმატოთ ძირითადი სასუქი სასურველი EC მაჩვენებლის მისაღწევად. მიღებული ხსნარი გამოიყენეთ ყოველ მორწყვაზე ყვავილობის ფაზის ბოლომდე.

Green Sensation უმჯობესია გამოიყენოთ Plagron Terra Bloom-თან ერთად. ეს პროდუქტი მცენარეს ყვავილობისთვის მოამზადებს, ხოლო Green Sensation ყვავილებისთვის მეტ ენერგიას უზრუნველყოფს, რაც დადებითად აისახება ყვავილების ზომაზე და ამავდროულად უზრუნველყოფს უფრო მკვრივ კვირტებს. რეკომენდირებულია Plagron CalMag Pro-ს გამოყენებაც, რათა თავიდან აიცილოთ კალციუმის და მაგნიუმის დეფიციტი, რაც უმნიშვნელოვანესი ფაქტორია ყვავილობის პერიოდში.

შემადგენლობა:

ფოსფორი (P₂O₅): 8%

კალიუმი (K₂O): 9%

რკინა (Fe)

ინოვაციური ნახშირბადის მოლეკულა