პერლიტი

რა არის პერლიტი?

პერლიტი ინერტული, ვულკანური წარმოშობის მინერალური მასალაა, რომელიც ვულკანური მინის გახურებით და მისი მოულოდნელი გაგრილების გზით მიიღება. ეს კი მას მსუბუქად ფოროვანს და ინერტულს ხდის. პერლიტი არ შეიცავს საკვებ ნივთიერებებს და ქიმიურად ინერტულია, რაც იმას ნიშნავს, რომ ის არ რეაგირებს ნიადაგში არსებულ ქიმიურ კომპონენტებთან და არ ახდენს გავლენას ნიადაგის pH-ზე, რაც მას აბსოლუტურად უსაფრთხოდ ხდის ნებისმიერი ტიპის მცენარისთვის. ის ერთ-ერთი ყველაზე ფართოდ გამოყენებადი მასალაა მებაღეობაში.

პერლიტის უმთავრესი უპირატესობა ნიადაგის აერაციის გაუმჯობესებაა. ის პატარა ჰაეროვან ჯიბეებს ქმნის, რაც ხელს უწყობს ჟანგბადის მიწოდებას ფესვებისთვის და აჩქარებს ფესვთა განვითარებას. ეს განსაკუთრებით მნიშვნელოვანია მცენარისთვის, რადგან ფესვებისათვის ჟანგბადის მიწოდება მცენარის ჯანმრთელობას და ზრდას განსაზღვრას. პერლიტი ასევე უწყობს ხელს წყლის შეკავების ფუნქციას, რაც მნიშვნელოვანია მცენარეების მორწყვის უკეთესად მართვაში. გარდა ამისა, პერლიტი დიდი ხნის განმავლობაში არ იშლება და არ კარგავს ეფექტურობას.

პერლიტი ყვავილებისთვის

პერლიტი სხვადასხვა მიზნებისთვის გამოიყენება, თუმცა ყველაზე ხშირად მას მებაღეობაში იყენებენ. ის მნიშვნელოვან როლს ასრულებს მცენარეთა ზრდის პროცესში. მისი მსუბუქი სტრუქტურა ნიადაგს არ ამძიმეს და აერაციის (ნიადაგში ან სუბსტრატში ჰაერის ცირკულაციას და ჟანგბადის მიწოდება) დონეს ზრდის. აერაციის გაუმჯობესების გამო კი ფესვები უფრო აქტიურად იზრდება. პერლიტი ასევე უწყობს  ხელს საკვები ნივთიერებების თანაბარ განაწილებას, რაც მცენარეებს ხელსაწყრელ პირობებს უქმნის.

• ნიადაგის აერაცია: პერლიტი ხელს უწყობს ნიადაგის უკეთეს აერაციას, რაც აჩქარებს ჟანგბადის მიწოდებას ფესვებისთვის.

• ტენის კონტროლი: პერლიტი ინარჩუნებს, იკავებს, წყალს და თანაბრად ანაწილებს მას ნიადაგში, რაც ხელს უწყობს მცენარეების ჯანსაღ ზრდას.
• ფესვთა განვითარების სტიმულაცია: კარგი აერაცია და ტენის კონტროლი მნიშვნელოვნად აუმჯობესებს ფესვების ზრდას.

• სასუქების უკეთესი ათვისება: პერლიტი ხელს უწყობს საკვები ნივთიერებების თანაბარ განაწილებას, რაც მცენარეებს ხელსაყრელ პირობებს უქმნის.

პერლიტი ასევე უზრუნველყოფს იმას რომ ნიადაგი სწრაფად არ გამოშრეს, რაც მცენარეებს სტრესისგან იცავს. გარდა ამისა, პერლიტი არ იშლება და დროთა განმავლობაში არ ფუჭდება, რაც მის ხანგრძლივ ეფექტს უზრუნველყოფს. ის ვულკანური წარმოშობისაა და ტოქსიკურ ელემენტებს არ შეიცავს.

აგრო პერლიტი

პერლიტი სხვადასხვა სახით გამოიყენება. მისი გამოყენება მცენარის ტიპებზეა და თქვენს მოთხოვნილებებზეა დამოკიდებული.

ნიადაგის გაუმჯობესებისთვის: დაამატეთ 10-30% პერლიტი ნიადაგში აერაციის და დრენაჟის გასაუმჯობესებლად (დამოკიდებულია ნიადაგის ტიპსა და მცენარის საჭიროებებზე). მაგალითად, თუ ნიადაგი ძალიან მჭიდრო ან მძიმეა, შეგიძლიათ მეტი პერლიტი დაუმატოთ.

ჰიდროფონიკასა და სხვა სუბსტრატებში: პერლიტი იდეალურია ჰიდროფონიკისთვის ისევე როგორც სხვა წყლის კულტურებისთვის, რადგან ის იდეალურად უზრუნველყოფს წყალგაუმტარობას და აერაციას. პერლიტის გამოყენება სუბსტრატის სახით შეგიძლიათ. ასევე შეგიძლიათ პერლიტის მოთავსება ნარევში სხვა ისეთ მასალებთან, როგორიცაა მაგალითად ქოქოსის ფიბრა.

გადარგვის დროს: პერლიტი ხელსაყრელი მასალაა ფესვების გადარგვის დროს, რადგან მისი ფოროვანი სტრუქტურა ხელს უწყობს ფესვთა გარსის განვითარებას. დაამატეთ პერლიტი ნიადაგში ან პირდაპირ ქოთანში, რომ ფესვები სწრაფად გაიზარდოს და მოიპოვოს საჭირო ჟანგბადი.

მარცვლოვან კულტურებში: პერლიტი ხელს უწყობს წყლის სათანადოდ განაწილებას ნიადაგში, რაც უმნიშვნელოვანესია განსაკუთრებით ისეთი მცენარეებისთვის, რომლებიც ვერ იტანენ მჭიდრო ნიადაგს ან მუდმივად სველ გარემოს. პერლიტს კარგად შეუძლია შეინარჩუნოს ტენი და თანაბარად გაანაწილოს ის ნიადაგში.