Hy-Pro Terra Starterpack

Hy-Pro Terra StarterPack – მცენარის სრულყოფილი კვების სისტემა

Hy-Pro Terra StarterPack შეიცავს ყველაფერს, რაც მცენარეებს ფესვებიდან ყვავილობამდე ძლიერი ზრდის უზრუნველსაყოფად სჭირდებათ. სპეციალურად შერჩეული პროდუქტების ნაკრები აერთიანებს Hy-Pro-ს  კვების საუკეთესო ფორმულებს მოსახერხებელი ზომის ბოთლებში, როგორც დამწყები, ასევე გამოცდილი მწარმოებლებისთვის. ეს პროდუქტები დაგეხმარებიან მცენარის ზრდის თითოეულ ეტაპზე და ამავდროულად აღმოფხვრიან ნებისმიერ დეფიციტის, რომლის მიღწევაც სტანდარტული სასუქებით შეუძლებელია.

StarterPack-ის შემადგენლობაშია:

• Hy-Pro Terra (2x 500 მლ) – სრული საბაზისო კვება: Hy-Pro Terra (დაბალანსებული NPK 2-5-4-ით, საკვები ნივთიერებებით და მიკროელემენტებით) ითვლება მცენარეების საბაზო საკვებად. აზოტის, ფოსფორისა და კალიუმის ბალანსი ასტიმულირებს ღეროს განვითარებას და ხელს უწყობს ფესვების ჩამოყალიბებას. სხვა სასუქებისგან განსხვავებით, Terra-ს ამინომჟავების კომპლექსს საკვები ნივთიერებების შეწოვის 40%-მდე გაზრდა შეუძლია. მას ასევე აქვს ძალიან დაბალი მარილის ინდექსი, ამიტომაც არ წვავს ფესვებს ძალიან მაღალი კონცენტრაციით გამოყენების შემთხვევაშიც კი, რითაც უსაფრთხოა ნაზი ნერგებისთვისაც. ნიადაგის pH ბუფერირებულია ფორმულით (6.0-6.5-ს შორის), რაც ქმნის იდეალურ პირობებს მიკრობული აქტივობისა და საკვები ნივთიერებების შეწოვისთვის. მომხმარებლები ხშირად აღნიშნავენ, რომ პირველი გამოყენებიდან 5-7 დღის შემდეგ ფოთლებს შესამჩნევად მუქი მწვანე ფოთლები აქვთ.

შეურიეთ 2-5 მლ პროდუქტი 1ლიტრ წყალს და გამოიყენეთ ყოველი მორწყვისას.

• Hy-Pro Rootstimulator (250 მლ) – ძლიერი ფესვები – კონცენტრირებული ფესვის გამაძლიერებელი ჰორმონი, რომელიც 4 სხვადასხვა ფესვის მასტიმულირებელ ნაერთს შეიცავს, მათ შორის ვიტამინ B1-ს, აუქსინებს და ბუნებრივი ზრდის ფერმენტებს. ფორმულა აჩქარებს ფესვის უჯრედების დაყოფას 50%-მდე (დაუმუშავებელ მცენარეებთან შედარებით), რაც 10-14 დღეში ხდება შესამჩნევი. სპეციალური პოლიმერები ქმნიან დამცავ რიზოსფეროს ნაზი ახალი ფესვების გარშემო, რაც ხელს უშლის პათოგენებს.

ერთი ლიტრი წყლისთვის გჭირდება მხოლოდ ნახევარი მილილიტრი (0.5 მლ) პროდუქტი. ანუ: 1 ლ წყალში → 0.5 მლ პროდუქტი. პირველი 3-4 კვირის განმავლობაში მცენარის ზრდის ეტაპზე მცენარეს ხსნარი კვირაში ერთხელ უნდა შეასხათ. შედეგის შესანარჩუნებლად კი განაგრძეთ მისი გამოყენება ორ კირაში ერთხელ. პროდუქტში არ გამოიყენება ხელოვნური საღებავები და არც სპირტზე დაფუძნებული მატარებლები, რომლებმაც შესაძლოა ფესვი დააზიანონ. ამიტომ პროდუქტი სრულიად უსაფრთხოა.

• Hy-Pro Epic Bloom (100მლ) – ყვავილობის გამაძლიერებელი – პროდუქტი სპეციალურად არის შექმნილი იმისთვის, რომ მცენარემ ყვავილობის ფაზაში უფრო სწრაფად და ძლიერად გამოუმუშაოს ყვავილები. მისი 0-5-4 ფორმულა შეიცავს ფოსფორს, რაც მცენარეს ენერგიის სწორ გამოყენებაში ეხმარება, კალიუმს, რომელიც შაქრებისა და არომატული ნაერთების უკეთეს წარმოქმნას უზრუნველყოფს, გოგირდს, რათა მცენარემ ძლიერი სურნელი და ეთერზეთები გამოიმუშაოს, კობალტსა და ნიკელს ფერმენტების მუშაობის გასაძლიერებლად. პროდუქტში ასევე დამატებულია ზღვის მცენარეების ექსტრაქტი და ბუნებრივი ჰორმონები რაც საშალებას აძლევს მცენარეს, რომ ყვავილოვანი წერტილების რაოდენობა დაახლოებით 25–30%-ით გაზარდოს.

გამოიყენეთ პროდუქტი ყვავილობის ფაზის მე-2-დან მე-6 კვირამდე. დოზა არის 1 მლ 1 ლიტრ წყალზე. 100 მილილიტრიანი ბოთლი საკმარისია 100 ლიტრი ხსნარის მოსამზადებლად. ნუ გამოიყენებთ პროდუქტს ყვავილობის ბოლო პერიოდში, რათა მცენარემ ზედმეტი საკვები არ დაიგროვოს.

• Hy-Pro Spraymix (100 მლ) – ფოთლოვანი საკვები – ეს სპრეი მცენარეს 27 მინერალითა და ამინომჟავით უზრუნველყოფს, რომლებიც პირდაპირ ფოთლების საშუალებით ხვდება მცენარეში და შედეგიც ძალიან სწრაფად დგება. მარცვლების ზომა 400-800 ნანომეტრია, რაც პროდუქტს საშუალებას აძლევს რომ ფოთოლში 15 წუთში შეაღწიოს. შედეგი კი ასე გამოიყურეა: ფოთლების ფერი 2 დღეში იცვლება, 7-10 დღეში იზრდება ფოთლების სისქე, ხოლო მცენარის დაცვა მავნებლების წინააღმდეგ ძლიერდება 14 დღეში. სპრეი შეიცავს სილიციუმსაც, რომელიც აძლიერებს უჯრედის კედლებს და იცავს მცენარეებს სოკოებისა და მავნებლებისაგან.

შეურიეთ 5 მლ პროდუქტი 1 ლიტრ წყალს და შეასხით მცენარეს სინათლის ჩაქრობამდე ან დილით ადრე, რათა მცენარემ ფოთლების საშუალებით პროდუქტი უკეთ შეიწოვოს და ყველა საჭირო ელემენტის მიღება შეძლოს. “სინათლის ჩაქრობამდე” ნიშნავს ცოტა ხნით ადრე, სანამ სინათლის წყაროს (LED, CFL ან სხვა განათება) ჩააქრობთ, ან დილით მზის ამოსვლამდე, როცა ფოთლების სტომატები (ფორები) ღიაა.

• Hy-Pro Generator (50მლ) – მიკროელემენტები – ეს პროდუქტი შეიცავს 8 ქელატურ მიკროელემენტს, რომლებიც მიღებულია თანამედროვე EDTA-სა და ამინომჟავების ქელაციის მეთოდებით, რაც უზრუნველყოფს მცენარისთვის მაქსიმალურად ხელმისაწვდომ ფორმას. ფარმაცევტული ხარისხის ფორმულა მცენარეს ეხმარება ყველაზე ხშირი მიკროელემენტების დეფიციტის თავიდან აცილებაში. ეს ის მიკროელემენტებია, რომლებიც ხრდას ანელებს და მცენარეს ხელს უშლის სარგებლის მიღებაში. ელემენტები სრულად, თანასწორად არის დაბალანსებული, რომ არც ერთმა მათგანმა მეორე არ “დაჩრილოს”, ხოლო pH ფორმულა (5.8-6.2) იდეალურად ავსებს ნებისმიერ hy-pro საბაზისო სასუქს.

გამოიყენეთ 0.5 მლ პროდუქტი 1 ლიტრ წყალზე, ზრდის მთელი პერიოდის განმავლობაში. 1 ცალი 50 მლ-იანი ბოთლი საკმარისია დაახლოებით 100 ლიტრი ხსნარის მოსამზადებლად.

რატომ უნდა აირჩიოთ Hy-pro Terra Starterpack

მეცნიერულად დადასტურებულ მიდგომას იყენებს, რათა მცენარეებმა ყველაფერი რაც მათ სჭირდებათ ზუსტად იმ დოზით და დროში მიიღონ. Hy-pro Terra-ს საბაზისო სასუქები ნიადაგისთვის ოპტიმალურ პირობებს ქმნიან (pH 6.0-6.5), რაც საკვები ნივთიერებების სრულ ათვისებას უზრუნველყოფს. Rootstimulator და Epic Bloom კი მცენარეს ზრდის კრიტიკული ეტაპების დროს ეხმარებიან. ეს იმას ნიშნავს, რომ მცენარე ყოველთვის იღებს მხარდაჭერას საჭირო დროს.

ამ სისტემის თითოეული კომპონენტი ისეა დაზუსტებული და დამუშავებული, რომ ერთმანეთთან სრულ ჰარმონიაში არიან. მთავარი კი ისაა, რომ Hy-pro-ს ფორმულები სრულად ხსნად და მცენარისთვის მარტივად ათვისებად ნივთიერებებს შეიცავს. მათ შორისაა მიკროელემენტების ამინომჟავების ქელაცია, რომლის ათვისების მაჩვენებელიც 95%-ს აღემატება.

• ფესვების სწრაფი განვითარება
• მუქი მწვანე ფოთლები
• უხვი ყვავილობა
• მაღალი მოსავლიანობა (ჩვეულებრივ სასუქებთან შედარებით)

სისტემა არა მხოლოდ მცენარის მოკლევადიან მოთხოვნილებებს აკმაყოფილებს, არამედ ზრუნავს ნიადაგის ჯანმრთელობაზე გრძელვადიან პერიოდში. სხვა სასუქებისგან განსხვავებით, რომლებმაც შესაძლოა ნიადაგს საჭირო ელემენტები გამოაცალონ, Hy-pro-ს სისტემა მცენარეს მთელი მისი სიცოცხლის განმავლობაში თანაბრად კვებავს. ეს სისტემა იდეალურია ყველა ტიპის მცენარისთვის.